رسالة المواطن جمعه قابيل للحكومة ووزير الدولة للإعلام
ياحكومة
يا معالى الزميل وزير الإعلام
والله كلام الرئيس واضح
ومش بكلمك بصفتى صحفى ولا إعلامى
ولا بصفتى امين الإعلام بحزب الاحرار
لكن بكلمك كمواطن بيحب البلد دى وناسها الطيبين
المطلوب نسمع الرأى والرأي الآخر زى ماقال الرئيس
ايه المشكلة فى ده
بلدنا قوية والشعب كله خلف قيادته
ومحتاجين نسمع ونناقش كل وجهات النظر مهما كانت
طالما صاحبها مصرى ووطنى غير مغرض
والناس بتفهم وعارفين كويس
مين وطنى حقيقى ومين تاجر كلام وشعارات
ياااا صديقنا المحترم ضياء رشوان
فرصة تدخل التاريخ وتنفذ كلام الرئيس
فرصة نسمع لكل التيارات والأحزاب والمتخصصين ف كل المجالات
يااااا معالى الوزير
ابدأ فورا وكفاية ضياع سنوات
واختار وجوه غير محروقة علشان الناس تصدق
وبلاش نفس الوشوش والا محدش هيقتنع ولا هيسمع
وتخيل يازميلى العزيز
حدث زى افتتاح الأوكتاجون أكبر مركز استراتيجي بالعالم
ومعظم الناس عندنا لا تابعت ولا فاهمة ولا مهتمة للأسف
والسبب إعلامنا الرسمى اللى معرفش ينقل الصورة للناس بشكل مقنع
يااااا صديقى
بلدنا حقيقي صنعت جمهورية جديدة رغم كل الظروف الصعبة بالداخل والخارج
لكن للأسف المتصدرين للمشهد الإعلامى معظمهم عوامل طرد
ومهما قالوا محدش بيصدقهم
ولازم نعترف بده
وكفاية دفن رؤوسنا فى الرمال
ده لو حقيقي بنحب بلدنا وعاوزين مصلحتها.
